السلام عليكم ورحمة الله وبركاته
*** بعـد غيبه طويله شوي جبت لكم اليوم قصيده مناسبه لهذه الأجــــواء
*** أهدي هذه القصيده لكم جميعاً . ولهواة البر
*** وإن شاء الله تنال إعجابكم
*** والله الله بالردور و الأنتقادات التي تحسن من مقدرتي الشعريه{{{ الشــــــــــــــاص }}}
يامحلاة البر ومطلاعه ياعزوتي مع نزول الأمطار
جوٍ رهيب فـــاح منه عطـــــــر الندى البديع
وياحلاة المجلاس فــــوق الطعوس مع شبت النار
ودلالاٍ صفـر مبهراتٍ بالهيـل والبن حلال المواضيع
مع ربعٍ شقرديــه من سوالفهم الهم عن القلب طار
مابهم نفسٍ رديـــه راعيـــــن البـــال الوسيع
بروضٍ خضــــــر يجمع النـــــاس من كل الأقطار
تحت السمـــــــاء الصافي وبين أزهــار الربيع
والأرض مكتسيهــــا الخزاما على مــــــد الأبصار
تسرح وتمرح بها الغنم والبـــل ترعى من الفقيع
والشاص حلال الصعــاب ينزل ويرقى عالي الأخطار
لاهو الفورد ولا الكامـــري خــوي الطريق السريع
الشاص لامنك نخيته بالوقت العصيب يلبيك بإقتدار
بالبـــــر أنا شهد أن صاحبـــه لايتيــه ولايضيع
يرقى عالي الشهب ويطب وسط الشعــاب بليا مسار
هذه بعض الأمـــــــور عن الشــاص الصاحب المطيع
حبيت أنظـم بجمايله أصــــــدق المعانـي والأشعار
لجل من ستهواه البر يركب راعي الفزعات الفزيع
اللي مايعرف لصعايب دربٍ وعنوان كنه طايره وطيار
اللي وين ماتبي تحطه يقـــول أنا لهــا وأستطيع
ماابي أمدح وزِيــد بالشاص خيــر الكلام بالأختصار
الله يامحلاة البر ومطلاعه مع أهــــل الذوق الرفيع
هذا ياخذ باله من المنــدي وهذا يجمع الرمث لنار
والبقيه يغلون على جمر الشوق يتنون الضيف الجويع
إن لاحظوا سنا برقه قلطوا الدلال على حدود الوجار
لجل يبل ريقه ويقدع من البرحي والسكــري الفضيع
12/9/2007, 4:29 am
