عند التوقيف عند الاشارهـ

موضوع: عند التوقيف عند الاشارهـ 12/20/2007, 6:53 am

عند التوقيف عند الاشارهـ

-----------------------------------------------------------------------

بسم الله الرحمن الرحيــــــــــــــــــــــــــــم

اغلبيه الرجال لهم طريقتهم الخاصه في شغل اوقات فراغهم لما يكونو واقفين عند الاشاره !!!!!!

النوع الاول
وهو الي يستغل وقته ويرتب سيارته ويفتح دروج سيارته ويعفط في هالفواتيرويرميها في الشارع وفجاءه ماتدري الاوهو ناقز في المرتبه الي ورا يرتبها ولا تستغرب اذا شفته ناط في شنطه السياره (الرجال مرتب)وتنفتح الاشاره والاخ مشغول في التنظيف!!

النوع الثاني
وهو اكثر واحد يفرح اذا وقف عند الاشاره علشان يبداء يستعرض ويرقص ويردح هو واخوياه ويرقصون السياره معهم !!

النوع الثالث
وهو عكس الي قبله وهو الي يشغل شريط خالد عبدالرحمن (اى اغنية قديمة)وانواع التغلق والحزن وطبعا الاغنيه من كثر ماهي قديمه تشك انه مغنيها قبل توحيد المملكه ويكون وجهه مورم من الصياح!!

النوع الرابع
وهو الي تقول توه مكتشف انه ابو وماتسمع غير هواشه وتلعينه على بزرانه الي مالين سيارته وماتدري الا وهو ساحب العقال ومخرب التشخيصه(يستعمل اساليب التربيه الحديثه)ويرجمهم بكرتون المناديل الي ماليه السياره والفضل يعود للمحطه البنزين لو تمر جنبهم عطوك منديل هديه!!

النوع الخامس
وهو الي يستغل الوقت ويجلس يشخص ويرش عطر وشوي لايحط روج ومعلق الايرفون في اذنه ومشغل شريط (سيلين ديون)مسوي جو اجنبي وانواع القز في السيارات الي جنبه!!

النوع السادس
وهو الي اذا شفته ترحمه وتقول ميت من الجوع وتشك انه جالس في مطعم مو في سياره الرجال ماسك الهمبرجر بيد والببسي والبطاطس بيد والشورما في حضنه والفطاير جنبه والبيتزا في المرتبه الي وراه ولا تستغرب لو شفته داب في مفطح!!

النوع السابع
وهو الي تحس انه ماعنده وقت ابد ودايم بزي ولابس نظاره وخاتم ومبحلق في الجريد ومسوي زحمه في الشارع والي جنبه طفشان ومشتغل مسجات بالجوال !!

النوع االثامن والأخير
وهو الي سيارته زحمه مو ناس لا ماخلى ثوب ولا شماغ ولا بدله ولاجزمه حتى الشراب الا ومركبها (الله يكرمكم))معه عشان يكون تبديل الملابس اسرع عند الاشاره حتى البطانيه جايبه وماخذها معاه تعرفون الجو متقلب!!

هههههههههههههههههههههههههههههههههههههههه

والله يالغالي كأنك تراقب العالم

مشكوووووور على هالمناظر الحيه

ألف شكر للأخوان ( الفتى الذهبي - شاعر كله مشاعر) على المرور

واللهأنك دارس الشعب السعودي وفاهمه

تحياتي الرومنسي